Գիտական խմբի ղեկավար	Գիտական խմբի անդամ

Խումբը կազմավորվել է 1991 թվականին:

1991-2010թթ. ընթացքում իրականացրած գիտական աշխատանքներ 

1. Մարդու տարբեր տեղակայումով (ծայրամասային արյուն, քմային նշիկներ և ավշային հանգույցներ) լիմֆոցիտներում Са²⁺-, К⁺-, Н⁺- կապված իոնական փոխադրումը նորմայում և ախտաբանական վիճակներում:

2. Հեմորֆինների դերը նյարդաէնդոկինային-իմունային փոխազդեցություններում:

3.Վիրաբուժական միջամտությունների ազդեցությունը իմունային համակարգի և նյարդաէնդոկինային-իմունային փոխազդեցությունների վրա:

4. Նյարդաէնդոկինային-իմունային համակարգերի և տարբեր ախտաբանական իրավիճակների  փոխկապվածությունը:

5. Հակաբորբոքային ցիտոկինների դերը համակարգային բորբոքային պատասխանով հիվանդությունների ընթացքի և ելքի վրա: 

Հիմնական գիտական ձեռքբերումները  

1. Ցույց է տրվել Са²⁺- ոչկախյալ H⁺- մակածված (ինդուկցված) К⁺- հոսքի և Са²⁺ - կախյալ К⁺/Н⁺- փոխանակության առկայություն: Ուռուցքային ախտաբանույան ժամանակ մարդու տարբեր տեղակայումով լիմֆոցիտներում հայտնաբերվել է Са²⁺-, К⁺-, Н⁺- կապված իոնական փոխադրման խանգարում:

2. Ցույց է տրվել, որ լիմֆոցիտների գործառնական ակտիվության վրա հեմորֆինների արդյունավետությունը դեպքերի մեծամասնությամբ միջնորդավորված է լիմֆոցիտների Са²⁺ - կալնոդուլին կախյալ ուղիների վրա դրանց  ունեցած ազդեցությամբ: 

3. Հայտնաբերվել է նյարդաէնդոկրինային և իմունային փոխազդեցության խանգարման դերը հղիության հետ չկապված նյարդաէնդոկրինային համախտանիշի ճամանակ:

4. Ցույց է տրվել, որ հիվանդների մոտ իմունային համակարգի չափանիշների վերականգման շարժը (դինամիկան) կախված է վիրաբուժական միջամտությունից և հիվանդի անհատական հոգեբանական պատասխանից կայանալիք վիրահատության փաստին:

5.  Ցույց է տրվել, որ լիմֆոցիտների իոնափոխադրիչ համակարգի խանգարված գործունեության վերականգնումը նշանակալի դեր է խաղում հետվիրահատական թարախանեխային բարդությունների զարգացման մեջ:

6.  Ցույց է տրվել լիմֆոցիտների իոնափոխադրիչ համակարգի խանգարված գործունեության վերականգնման չափանիշների կիրառման հնարավորությունը որպես հետվիրահատական թարախանեխային բարդությունների զարգացման կանխորոշման չափանիշ:

7. Տարեց մարդկանց մոտ ուսումնասիրվել է իմունային համակարգի խախտված ցուցանիշների վերականգնման գործընթացը և նյարդաէնդոկրինային և իմունային համակարգերի փոխազդեցությունը:   

8. Հայտնաբերվել են շաքարային դիաբետով հիվանդների մոտ հետվիրահատական շրջանում իմունային կարգավիճակի վերականգման առանձնահատկությունները:

9. I և II տիպի շաքարային դիաբետով հիվանդների մոտ հայտնաբերվել են նյարդաէնդոկրինային և իմունային համակարգերի փոխազդեցության խանգարումները հետվիրահատական շրջանում և դրանց ունեցած դերը թարախանեխային բարդությունների զարգացման մեջ:

            1991-2010թթ. ընթացքում մոլեկուլյար իմունաբանության գիտական խմբում պատրաստվել են 25 թեկնածուներ և 3 դոկտորներ: Նույն ժամանակահատվածում տպագրվել են ավելի քան 150 գիտական աշխատանքներ: Մոլեկուլյար իմունաբանության գիտական խմբի անցկացրած հետազոտությունների արդյունքները բազմիցս զեկուցվել են միջազգային գիտական նստաշրջաններում, գիտաժողովներում և համաժողովներում:        

Գիտական խմբի ղեկավար ՀՀ ԲԳԱ ակադեմիկոս, ՌԲՏԳԱ (Ռուսաստանի բժշկատեխնիկական գիտությունների ակադեմիա) ակադեմիկոս, պրոֆ. Սպարտակ Սեմյոնի Գամբարով

Ս.Ս. Գամբարովը իսկական անդամ է`

            Ալերգիայի ուղղությամբ Համաշխարհային կազմակերպության (WAO)

            Ալերգիայի և կլինիկական իմունաբանության Եվրոպական ակադեմիայի (EAACI)

            Իմունոլոգիական ընկերությունների Եվրոպական դաշնության (ֆեդերացիա) (EFIS)

    ԱՊՀ ալերգաբանների և իմունաբանների միության

    Ալերգաբանների և կլինիկական իմունաբանների Ռուսական միության (ԱԿԻՌՄ)